உன் தோழி

கல்லும் முள்ளும் நிறைந்த உன் வாழ்க்கை பாதையில் 

மலர்பாதையாக என்றும் நான் உன்னுடன் 

உன் மேல் அன்புகொண்ட 

உற்ற தோழியாக நானிருக்க 

உன் நெஞ்சில் வலி எதற்கு 

கண்ணில் நீர் எதற்கு 

விழியிலே துணிவிருக்க - நீயும் 

விந்தை உலகில் உன் சாதனை  நிலை நாடிடு 

விடியலை நோக்கி பயணம் செய் 

உன் வெற்றிக்கு உன்னோடு  என்றும் 

உற்ற தோழியாய் நான் 

வாழும் வழிகள் பல இருக்கு 

வாழ்ந்து காட்டு உலகிற்கு 

நம்பிக்கை என்னும் தனம்பிகையோடு 

முயற்சி செய் 

நாளைய வெற்றி உன்கையில் 

நீ உன் வாழ்வில்  வெற்றி பெற  

என்றும் என் பிரார்த்தனைகள் உனக்காகவே 

தேடுகிறேன்

மழைக்காக நான் 

மரத்தடியில் ஒதுங்க 

மரத்தடி இருந்த நீயோ

மங்கை இவள் 

மனதோடு ஒதுங்கினாய் 


விழிவழியே என்னை
 
வழிப்பறி செய்தாய்
 
வலிகளை உணரமுன்
 
வரம் என்று நினைத்தேன் 


இதுவரை நான் 

தொல்லையாய் நினைத்தேன் 

என் தோள்களில் தொங்கிய 

துப்பட்டா 


தென்றல் உதவியோடு 

தெய்வாதினமாய் உன்னை 

தழுவியதால்


உறக்கம் கலைக்கும்

உன் நினைவுகளை

உதற மனமின்றி
 
உடுத்தி கொள்கிறேன் 

என் இரவு நேர போர்வையாய்


நீயோ
 
உன் விழி ஈர்ப்பின்

கவர்ச்சியால் என்னை
 
காந்தமாய் கவர்ந்ததை
 
கவனிக்காமல் சென்றாய்


நானோ 

சோ என பொழியும்
 
மழைத்துழியின் இடைவெளியில்
 
சோராமல் தேடுகிறேன் 

மனதை திருடி விட்டு
 
மாயமாய் மறைந்த உன்னை...

கண்ணீரில் மிதக்கும் இதயம்

ஏனையோர்  இதய துடிப்பை டேதெச்கொப்   மூலம் அறிந்து 

ஆதரவளிக்கும் உனக்கு 

என் இதயத்துடிப்பு கேட்காமல் இருகிறதே

நாளை இறப்பை எண்ணி இருபவர்களையும் அன்புடன் 

நூறு வருடங்கள் வாழ்வீர்கள் என 

நம்பிக்கை ஊட்டும்  உனக்கு 

நான் இன்று இறந்து கொண்டிருப்பது உனக்கு தெரிந்தும் 

தெரியாமல் இருக்கிறாயே...

நீ தேடிவந்த உறவு நான் 

நான் தேடாமல் பெற்ற அன்பு உனது 

அனைத்தும் தெரிந்தும் இன்று என்னை

 அலட்சியம் செய்கிறாயே ...

என்காதல் உயிருள்ளது என நினைத்தேன் 

பட்டு போன காதலை 

கண்ணீர் என்னும் உரமூற்றி வளர்த்தேன் 

அது மீண்டும் துளிர்க்கும் என எண்ணி

ஆனால் அது துளிர்க்காது என்பதை 

ஒரு நிமிடத்தில் தெரிந்து கொண்டேன் 

உன்பெயருடன் என் பெயரை 

நீ இணைக்க கூட விரும்பவில்லை என்பதிலிருந்து ...

ஏன் என்னை தேடிவந்து காதல் தந்தாய் 

ஏன் இன்று என்னை மறந்தாய் 

எதற்கும் பதில்தெரியாமல் 

மண்ணுக்குள்ளே  மண் ஆக காத்திருக்கிறேன் 

என் கல்லையிலாவது நம் பெயரை எழுதுவாய் என்ற 

நம்பிக்கையில் ..

என்னவன்

ஆறடி உயரத்தில் 

உன்னை கற்சிலையாக இல்லாமல் 

சந்தன நிறத்தில் உன்னை
 
கட்டுகுலையாமல் 

கருதரித்தவள் யாரோ? 




விரல்கள் கோதியதில் 

களைந்து விழுந்த முடிகளில் 

ஒன்று இரண்டு நெற்றி 

மீது சாமரம் விசுவது எப்படி? 

வில்லை வளைந்த புருவத்தின் 

கிழே விடாமல் துடித்துக்கொண்டு 

இருக்கும் கண் இமைகளின் உள்ளே 

உள்ள வெள்ளி திரையில் 

என் உயிரை ஈர்க்கும் 

கருமணியின் கவர்ச்சிதான் என்னவோ? 



புல்லாங்குழலுக்கு பதமான 


முங்கில் பிஞ்சுகள் போலே 


உன் பத்து கைவிரல்களின் 

பவித்திரம் தான் என்னவோ? 

உன்  ஓர விழி பார்வையுடன் 


உதட்டின் வழியான பாதி சிரிப்பும் 


அவன் ஆண்மைக்குள் இருக்கும் மென்மையை 


அருமையாக அறிவிக்கும் 


என் உள்ளம் கவர் கள்வனே 
உன்னை எப்போது காண்பேன் !

ஒரு நொடியாவது உன் மழலையோடு பேசி பார்த்திருப்பாயா ?

பருவ வயது பசியால் 

பத்து மாதம் சுமந்ததை
 
பாசமும் இல்லாமலும் 

பஞ்சணையில் தவழ விடாமல்
 
பற்றைக்குள் எறியும் போது 

கதறவில்லையா உன் கருவறை? 




தன் பிஞ்சுக்கரன்களால்

மாதாவின் வதனத்தை

வருடி அணைத்து தன்

மல்லிகை இதழ்களால்

முத்தமிடும் மழலையை

பார்க்கும் போது

கருகவில்லையா உன் கன்னங்கள்? 




அன்னையின் மார்பு சூட்டில்
இ
தயத்துடிப்பின் தாலாட்டோடு 

உறங்கும் மழலை 

உன் கண்முன்னே எதிர்படும் போது 

ஒரு நிமிடமாவது உன் 

சுவாசப்பை சுருங்கி

விரிய மறுக்கவில்லையா??




மழலையோடு கூடிய மடியுடன்

தாய் ஒருத்தியை காணும்போது

நீ-வெறுமையான உன் மடியை 

வெறித்து பார்க்கவில்லையா ?


எதுவும் புரியதபோதும் 

எல்லாம் புரிந்ததுபோல் 

புரியாத மொழி ஒன்றில்

புதிராய் பேசி மகிழும்

தாய் சேய் மொழிகளை 

கேட்டபோது உன் 

செவிப்பறைகள் செயலிலக்கவில்லையா?




நடை பயிலும் மழலையோடு 

மீண்டும் நடை பயிலும்

அன்னையரை காணும் போது 

நகரமறுத்து உன் கால்கள்

ஊனமாவதை உணரவில்லையா ?

நட்பு

மழலை வயதில்

மாசில்லா மனம்

மானசீகமாக ஏற்கும்

முதல் உறவு நட்பு 


அறியா வயதில்

மனதறியாமல் வரும்

மனஸ் தாபங்களுக்காக

மனம் வருந்துவதும் 

மழலை நட்பே 




வழி காட்டி எவரும்

இல்லாமல் சுயமாக 

நாம் தேடிய உறவு

நமை வழி நடத்தும்


வழித்துனைக்காக நெருங்காமல் 

வழிகாட்டியாய் நெருங்கினால்

வழிமறி போகாமல் 

வாழ்க்கையை ருசிக்க 

வழிகாட்டும் உன்னை 

களங்கம் இல்லாத

கலங்கரை விளக்கைப்போல்

கல்லறை

உலகை பார்க்க விரும்பி 


விரல் விட்டு எண்ணி கொண்டு

உன் இதய துடிப்பில் சுற்றி திரிந்தேன்

அன்னையே உன் கருவறையில் 

பஞ்சத்தில் பரிதவித்து


பாடையில் பயணிப்போரும் 

கொள்ளை நோயின் 

கொடுமையால் கொலையுண்டோரும்


மனிதனை மனிதன்

மதியிழந்துபோய்

மரணப்பாயில் சுற்றுவதும்

இறைவனும் சீற்றம் கொண்டு

இயற்கையை ஏவிவிடுவதும் என

எங்கும் மரண ஓலங்களே

இதை பார்க்கவா பத்துமாதங்கள்

உன்னை சுமைதாங்கி ஆக்கினேன் 

ரணங்களோடு வாழ்வதை 

விட மரணங்கள் மகிழ்வானது 

காப்பாற்ற எவரும் இல்லாத 

அநாதரவான இவ்வுலகில் 

ஆடம்பரமான வீடு எதற்கு

அமைதியாகவும் ஆழமாகவும் உறங்க

ஆறடி நிலத்தில் அடக்கமான கல்லறை போதும்

முதுமையின் அழகு

நிமிர்ந்த நடையும் 

நேர் கொண்ட பார்வையும்

முறுக்கிய மீசையும்

அகன்ற தோள்களும்

இளமையின் ஆழகு




பொக்கை வாய் சிரிப்பும்

வெண் பஞ்சு தலைமுடியும்

வானவில்லாய் வளைந்து 

கூன் விழுந்த முதுகும்

ஊன்று கோலோடு சேர்த்து

மூன்று காலில் நடப்பதும்

முதுமையின் அழகு

காதல் தோல்வி

பாலர் வயதினிலே

பல இலட்சியங்களுடன்

பாதையோரம் நடைபயின்று

பள்ளி சென்றவன்


பருவ வயதிலே

பாவையவள் கண்பட்டு

பாதைமாறி சென்று

பாதிவழியில் பறந்துபோன

பாவையை நினைத்து

படுகுழியில் விழுகிறான்




நாடியோரம் தாடி வளர்த்து

கைகளிலே மதுப்போத்தல்

விரல்களின் இடையே

மூன்றாம்விரலாய்சிகரெட்

சுயத்தை இழந்து

தெருவோரம் உலாவருகிறான்

ஏன் என்று கேட்டால்

காதல் தோல்வியின்

சின்னங்கள் இவைதானாம்